7560. ‘Et non colligetur domum’: quod significet quod non reservatur, constat ex significatione ‘non colligi domum’ quod sit non reservari, ‘domus’ enim est mens interior naturalis ubi bonum 1 cum vero, tum quoque est mens rationalis, ac ita ipse homo, de qua n. 3538, 4973, 5023, 7353; inde ‘colligi domum’ est colligi 2 intro et ibi recondi. Quod bonum et verum recondantur intus, et 3 ibi reserventur a Domino, etiam apud malos, est ut usque aliquid humani residuum sit; homo enim absque illis non est homo, 4 quae enim reconduntur et reservantur sunt bonum et verum; per haec communicatio est cum caelo; et quantum communicationis homo habet cum caelo, tantum est homo; est quidem communicatio malorum, 5 etiam qui in inferno sunt cum caelo, sed non aliqua conjunctio per bonum et verum, nam ilico ut bonum et verum defluunt e caelo, et veniunt in infernum, vertuntur illa in malum et falsum, inde actutum dirumpitur conjunctio; talis communicatio est; at per bonum et verum quae reconduntur et reservantur in interioribus est conjunctio; sed 6 vera et bona ibi apud malos non plus efficiunt quam ut possint ratiocinari et ex sensuali cogitare et inde loqui et sic confirmare falsum et defendere malum; plus non ex 7 bonis et veris apud illos reconditis et reservatis 8 emitti potest, nam si plus emitteretur, 9 perirent vera et bona, et sic nihil humani illis superesset.
Фусноти:
1. et verum
2. intus
3. sic
4. id enim quod reconditur et reservatur est
5. The Manuscript places this after inferno.
6. bona et vera illa
7. recondito illorum et reservato
8. The editors of the third Latin edition made a minor correction here. For details, see the end of the appropriate volume of that edition.
9. periret verum et bonum
